Kristen KTP
For apa le mo maso greja
Kalu di dalang Cuma baku toreba
Baku bongkar orang pe besae
Baku cari orang pe kelemahan
For apa le mo pigi berdoa
Kalu di dalang punung pikiran jaha
Karlota-karlota orang pe kalakuang
Hojat-hojat orang pe kekurangan
Hei kasiang!
Jadi kristen bukang ja lia dari ba maso greja
Jadi kristen bukang ja tengo di jago berdoa
Mar bagimana torang mo setunjung pa dunia
Tu cinta dia yang dorang da paku di Golgotha!
Ado kasiang!
For apa le mo maso greja
For apa le mo banya berdoa
Kalo nanti di pintu sorga
Cuma mo dengar papa ye’ ma basuara:
Kaluar ngana!
Kita nyanda kanal pa ngana!
Gagak-Gagak Itu Mesti Mati!
Apakah mereka kau yang undang?
Sebab tana ini kita yang punya
Semua kobong
Semua padi
Semua kembang
Kita hidup ribuan tahun
Makan dan memberi makan
Menyanyi
Menari
Anak-anak kita bertelanjang kaki
Berlari
Tana ini kita yang punya!
Apakah mereka kau yang ajak datang?
Sebab ruma ini kita yang punya
Undakan setiap tangga
Tiang-tiang
Guratan-guratan kayu
Deretan jendela
Koi tempat kita dilahirkan dan melahirkan
Makan
Bersulang
Jelaga dan asap dodika
Api
Ruma ini kita yang punya!
Bukan!
Katamu, bukan!
Lantas siapa?
Mereka datang dari laut
Dari tanjung
Dari utara maut!
Katamu:
Mereka datang memohon makan
Lalu kita beri mereka tumpang
Sebab begitu nenek moyang kami mengajarkan
Lantas mereka jadi besar
Perut mereka tak pernah kenyang
Gagak-gagak itu,
Tana kita!
Ruma kita!
Lalu anak-anak kita
Kita!
Keluarkan lilang yang kau simpan di rumamu!
Gali tumbak yang kau tambung dalam tanahmu!
Mustika merah yang kau tukarkan dengan kitab berpalang itu!
Dan demi tanah dan rumah,
Darah
Sekarang kita mesti marah!
I yayat u santi!
No For Mo Apa Le
dengar, dengar, dengar pa kita
dengar, pemai, dengar kita mo basuara
buka basar ngoni pe talinga
pemai, dengar, dengar kita mo bacirita
dengar, hey utu keke minahasa
ngoni samua tu rasa ngoni gaga
ngoni samua tu Cuma jago di bicara
kasiang jo, ngoni nyanda ada apa-apa
hey tole, pake ngana pe ontak
jangang Cuma kuat baetag
badang pe bagus,
mar cap tikus so kase rusak
siang tasono, malam di leput
bagitu-bagitu trusjo ngana
sampe datang maut menjemput
budel so jual pa orang samua
Cuma gara-gara mo kredit satria
So cocok no ini samua
Abis baku spai deng botol
Antar motor rupa gila
Ada kasiange tuama
Akhirnya depe hasil
Tuhan yang memberi
Satria yang mengambil!
Deng ngana keke, jang kira so lolos
Jang Cuma poco-poco mulu los
Ngoni Cuma mo andalkan tu body?
Bapake sexi deng kuli pe puti?
Kong saban malam baforo di ha-ha deng hai ki?
Puki! Serta so abis doi, so mulai jual diri
So ini no ngoni pe biongo
Sasadiki le so muat di posko
Tu felem da bakunae di oto
Wartawan kudapuki so kase maso!
Mo apa le tare kalo so bagitu
Mama papa so user karna so beking malu
Kage cari-cari di kampung sonyanda ada
Nintau kote so jadi tambio di jayapura!
no ngoni tidor-tidor jo
no ngoni mekep-mekep jo
no ngoni melep-melep jo
no ngoni disko-disko jo
no for mo apa le