My Minahasa
Qta pe Protestan, Muslim, Budha, Katholik, Hindu
Qta pe agama, qta pe minahasa…
Qta pe masyarakat, daerah, generasi,
Qta pe negara, qta pe minahasa
Qta pe tonsea, tolour, tombulu, tontemboan, tounsawang tou pasan, tou ponosakan, tou bantik, tou babontehu
Qta pe sub etnis, qta pe minahasa…
Qta pe kekayaan, kejayaan, kemulian
Di qta pe tana’, tana’ yang paling berharga
Qta pe minahasa…
Treasure Moment
(catatan 9 Juni 2005)
Waktu bajalan bagitu capat
Bahkan kita blum sempat melakukan banyak hal
Mar, seandainya satu detik sama deng saribu taong
Tetap saja blum ada yang bole kita mo beking
Kita so talalu membuang waktu
Waktu yang kita jalani dapa rasa sia-sia
Kita salalu Cuma bias bahaga deng badiam
Mengamati sambil menunggu ta pe waktu abis percuma
Sampe saat itu keajaiban dating
Kong kase satu kesempatan for kita
Kesempatan untuk tau, untuk mangarti
Banyak hal yang blum kita beking deng realisasikan
Mar skarang ta so mangarti
Satu detik pun itu adalah kita pe kehidupan
Kong ta pe hidop musti mo isi deng sesuatu
Yang berarti
Fenomena
(sepenggal adegan musim pilkada)
Baru kalamaring dulu
Alo rela bagadang sampe tenga malam
For mo pasang spanduk om Adolf deng tanta Yanthi
Depe kamaring siang komang so pake on Fery deng om Hamdi pe kous kampanye
Ini hari kase berbage om inyo deng om Edi pe stiker
Beso kata mo trima doi dari pa Wnny deng Hanny
Asal iko konvoi kampanye
Yance so tabingo-bingo haga pa Alo
Kong dia batogor
“Eh, laki-laki, sonyanda butul komang ngan ini”.
“Ngana so trima samua tu calom pe barang-barang, kong ngana mo cucu sap ape gambar dang?”.
Pe polos skali Alo ba jawab,
“Tenang jo, kawan. Tenang!”
“Ta cucu samua no dorang pe muka”.
“Empas toh?!?”.
Psikopat
“Ta bunung pa ngana!!!!”
(Ungkapan jiwa seorang pembunuh: “Membunuhlah dengan pedang yang berlumuran kata-kata, dan yang telah tajam diasah batu pengalaman”. Angga)