Sabtu, 26 April 2008

Puisi-Puisi Chandra Dengah Rooroh: "Tonsea I - III"

Tonsea I

Gunung klabat
Pante batu nona
Terminal airmadidi
Pancurang tumatenden

Bangga noh qta
Lahir di tanah kaya
Banya budaya
Lengkap pariwisata

Jangang Cuma lia- lia
Datang kamari kong haga

Paling Cuma satu yang ngana mo inga,
Captikus tumaluntung, tola- tola ular sawah



Tonsea II

So ini noh tu hebat
orang- orang nda kalah kuat
dari rektor sampe tukang mabo
samua lahir disini

orang torang bukang panjaha
Cuma mo suka lebe dapa lia
Biar so abis doi
Tetap bagaya aksi

Ngoni suka tau
Kyapa torang bagitu??
Lantaran torang ada moto,
“biar kalah nasi, yang penting nda kalah aksi




Tonsea III

Laeng basiul…
Laeng ba kokuk…
Qta tatawa…
Mar dia nyanda farek…

Bajalang beking diri
Pake baju blung klar manjae
Apalagi tu calana
Rupa so nda ada tu kil

Bukang main cewe tonsea
Gaga- gaga mar nimbole ja gara
rasa tu muka sama deng balanga